Депутат коллегаларына йомырка бүләк иткән: «Менә халык акчасы кая киткәне билгеле!»
Вологда депутаты Александр Гордеев хезмәттәш хатын-кызларына йомырка бүләк иткән. Ул аккаунтында фото чыгарган – депутат дүрт хатын-кыз белән басып тора, һәрберсенең кулында тартмалар, өстәгесе йомырка икәне күренә.
«Менә халык акчасы кая киткәне билгеле!»
«Менә бу сиңа айфон гына түгел!»
«Чыннан да байларча бүләк!» дип язалар социаль челтәрләрдә. Бу фото зур шау-шу тудырган – «Подъем» сайты журналисты Гордеевтан бу фото турында сораган.
«Нигә сез үзегез күрергә теләгәнне эзлисез? Сез төп бүләкнең бер килограмм чикләвек икәне күрмәдегезмени? Ә йомырка – кызык өчен, Яңа ел алдыннан кәефне күтәрергә», – дигән Гордеев.
Социаль челтәрләрдә кемнәрдер депутатны юмор хисе өчен мактаган, ә кайсыдыр «Пенсионерларга кызыгып төкрекләрен йотарга гына кала», дип язган.
Быел көз йомырка бәясе кисәк күтәрелде, аны хәтта президентның туры эфирында да бирделәр. Вице-премьер Виктория Абрамченко әйтүенчә, бәяләр Яңа елдан соң төшәчәк.