Казан аэропорты кышкы расписаниегә күчте
0
217
(Казан, 27 октябрь, «Татар-информ»). 25 октябрьдән Казан халыкара аэропорты кышкы расписание буенча эшли башлады. Ноябрь башында көнчыгыш Африкага — Казаннан Танзаниядәге Занзибар утравына туристик рейс ачыла Бу Казан аэропорты тарихында беренче тапкыр Җирнең Көньяк ярымшарына туры рейс була. Бу турыда «Казан» Халыкара аэропортының матбугат хезмәте хәбәр итте. Екатеринбургка, Махачкалага, Самара, Түбән Новгород, Ярославль, Пермь, Сургут, Яңа Уренгой, Омск, Чиләбе, Түбән Вартовск, Томск, Волгоград, Кемерово, Барнаул, Ханты-Мансийск, Красноярск (Ханты-Мансийскта тукталыш белән), Салехард һәм Ноябрьск (Пермьдә тукталыш белән), Новокузнецк (Екатеринбургта тукталыш белән), Калининград, Минеральные Воды, Краснодарга яңа рейслар ачыла. Истанбулга авиарейслар саны арта. Бу маршрутта берьюлы өч авиакомпания хезмәт күрсәтәчәк, Казаннан рейслар көн саен башкарыла. Яңа сезонда шулай ук Көньяк-Көнчыгыш Азия курортларына һәм башка туристик юнәлешләр буенча кышкы рейслар планлаштырылган, алар илләр белән авиаэлемтәне яңарту шартларында ачылачак. Гадәттәгечә Сочига, Симферопольга, Мәскәүгә (Внуково) һәм Санкт-Петербургка рейслар бар. Казан-Санкт-Петербург маршрутында рейслар көн саен башкарыла, диелә хәбәрдә.