Москвада “Очиқ Россия” ҳаракати ижрочи директори қўлга олинди
0
36
Россия пойтахти Москвада полиция ходимлари томонидан “Очиқ Россия” (Откритая Россия) ҳаракати ижрочи директори Андрей Пивоваров ушланди. Бу ҳақда Озодликнинг рус хизмати ҳаракатнинг Телеграм-каналидаги маълумотга таянган ҳолда хабар қилди.
Пивоваров Петровка кўчаси яқинидаги дўконда қўлга олинган ва “Тверская”даги ички ишлар бўлимига олиб кетилган. Унга қарши оммавий тадбир ўтказиш тартибини бузганлик тўғрисида баённома тузилган. Бироқ Пивоваровга айнан қандай айблов қўйилганига аниқлик киритилмаган.
Август ойи бошида А. Пивоваров Смоленск вилоятининг Рудня чегара бўлими ходимлари томонидан қўлга олинганди. У билан бирга “Очиқ Россия” ҳаракати аъзолари Даниил Потапов ва Александр Федосеев ҳам ушланган. Улар Беларусдаги сайлов ва норозилик намойишлари блогер сифатида ёритиш учун кетаётгандилар.