Чистайда даруханәләрдә терекөмешле термометрлар булмавына борчылалар
0
68
(Казан, 16 ноябрь, «Татар-информ»). Татарстанның Чистай районы социаль челтәрләрендә шәһәр хастаханәләрендә кирәкле дарулар булмавы, кайберләренең бәяләре күтәрелүгә канәгатьсезлек белдергән хәбәрләр чыга. Шәһәрдә яшәүчеләр даруханәләрдә терекөмешле термометрлар булмавына борчыла. Бу турыда «Чистопольские известия» яза. Җирле журналистлар шәһәр үзәгендәге һәм шәһәр читендәге алты даруханәдә булган, берсендә дә градусник таба алмаганнар. Бер даруханәдә бу атнада терекөмешле градусниклар алып кайталар дип вәгъдә иткәннәр. Ә калганнарында кыйммәтле электрон термометрлар тәкъдим иткәннәр. Кайбер даруханәләрдә электрон градусниклар да булмаган.