«Бөтен бүлмә канда» – Көнче ир баласы алдында хатынының кулын кисеп алган
Пермь краеның Александровск шәһәрендә 27 яшьлек ир-ат хатынын имгәткән. Бу турыда «Вести» каналы тикшерүчеләргә сылтама белән хәбәр итте.
Ул хатынын караватка наручник белән бәйләп куя, 3 көн буена кыйный, аннары чәчләрен кырып ала һәм кул чугын чабып өзә.
Хатын бик күп кан югалта, ләкин котыла ала.
Җәйнең беренче аен Анастасия фатирда бик астында уздыра, ире Владислав алкоголь һәм наркотиклар аркасында агрессорга әверелә. Хатынын кыйный, көнли. Бу хәлләрне ир белән хатынның 5 яшьлек улы күреп тора.
1 июльдә кич белән Владислав балта алып кайта һәм Анастасиянең кулын чабарга җыена. Хатын балтаны яшерә. Ләкин ир моның белән генә туктамый, пычак һәм чүкеч ала. Баланы күрше бүлмәгә кертеп бикләп куя. Ир барысын да эшләгәч, бөтен бүлмә канга баткан була. Хатынын ванна бүлмәсенә кертеп җибәрә, үзе идәнне юа, документларын җыя һәм баласын алып чыгып китә. Юлда барышлый «ашыгыч ярдәм» чакыра.
Анастасиянең гомерен саклап калалар, тик кулын кире тегеп куя алмыйлар. Владиславны тоткарлыйлар. Ул СИЗОда утыра, диелә хәбәрдә.