Ирек Америка үрдәкләрен татарча сөйләшергә өйрәткән
«Дуслар, мин Америкада бер фәнни ачыш ясадым. Татар телен өйрәтергә кирәк икән бөтен планетадагы кешеләргә. Татар телен тиз өйрәнәләр, тиз аңлый башлыйлар. Менә кыргый үрдәккә 3 көн 10ар минут вакыт үткәргәнмендер инде. Үрдәк 3 көннән соң аңлый башлады минем татарча сөйләшкәнне.
Менә 2 атна үтте инде, үрдәк шушы тирәдә. Хәзер татарча сөйләшәм аның белән, ул монда килә», – дип сөйли Ирек.
– Үрдәк? Син кайда, әй, дустым, үрдәк, үрдәк! – дип чакыра ул үрдәкне. – Әнә, хәзер килә, татарча аңлый. 2 атна эчендә шундый шәп аңлый, әгәр дә үрдәкләр сөйләшә белсә, татарча сөйләшер иде. Хәзер менә татарча әйтәм, килә.
– Кил, кил монда, әнә килә, әйдә, дустым, кил! – дип чакыра ул инеш буенда йөргән үрдәкне. – Менә Америка үрдәге 2 атнада татарча аңлый башлады. Ә кеше балаларын өйрәтсәң, кеше балалары 2 елдан татарча аңлау гына түгел, сөйләшә башлыйлар.
– Килдеңме? Абыең килде менә, әйдә, ашыйк әле, – дип, үрдәккә ипи кисәкләре сибә.
Америкада менә шундый үрдәкләр. Татар теле бик көчле икән, үрдәкләр дә аңлагач. Америка үрдәге 3 көннән аңлый башлады татар телен. Бөтен планетада уртак тел – татар теле булырга тиеш икән. Хайваннар да аңлый, кошлар да аңлый, кеше – бигрәк тә.
– Ярый, давай, дустым, киттем мин, яме. Аша, дустым, өйгә кайтам мин. Минем арттан барма инде, аша, – дип саубуллаша үрдәк белән.
Менә үрдәктән үрнәк алыгыз, татар хөкүмәте, татарча өйрәтергә кирәк балаларны.