Оренбург вилоятидаги чодир шаҳарчасида яшаётган 450 чоғли қирғизистонлик Бишкекка йўл олди
0
54
Россиянинг Оренбург вилоятидаги 448 нафар қирғизистонлик Россия-Қозоғистон чегарасидан ўтиб, Бишкекка қараб йўлга тушди. Бу ҳақда Қирғизистон Ташқи ишлар вазирлиги маълумот тарқатди.
Қирғизистонликлар ҳукумат томонидан тақдим этилган 9 та автобусда Қозоғистон йўл полицияси ҳамроҳлигида карвон бўлиб йўлга тушганлар.
ТИВ Россия-Қозоғистон чегараси ҳали ҳам ёпиқ қолаётгани туфайли Россия ҳудудида юрган қирғизистонликларни Оренбург вилоятига боришдан тийилишга чақирган.
Бунгача 450 чоғли қирғизистонлик Оренбург–Самара йўли ёқасида Россия Фавқулодда вазиятлар вазирлиги томонидан ташкил этилган чодир шаҳарчасида яшаётган эди.
20 май куни чартер рейси билан Оренбурдан Бишкекка 164 нафар қирғизистонлик олиб келинган эди.