Московсо ютавтовсь Равчирень федеральной округонь од ломанень форумонть анокстамонь ды ютавтомань коряс организационной комитетэнь промкс (эрзя)
Пурнавозетне кортасть форумонь концепциядонть, регионтнэнь вейсэнь важодемань лувтнеде ды мероприятиянтень анокстамонь прявт ёнкстнэде. 2026-це иестэ карми важодеме форумонь Округонь дирекциясь, конань лувсо ПФО-нь 14 регионтнэстэ эрьвась ваны башка ёнксонть кисэ. Истя, невтемакс, Нижегородской ёнксось карми ветямо «Арт-код» профиленть, Татарстан Республикась – «Код служения» ёнксонть. Промксонть лувсо округонь весе субъекттнэнь представительтне видеосюлмавомань вельде пачтясть анокстамонь неень шкадонть. Чадыковсто Самарасо арсеви ютавтомс округонь командань пурнамонь форумонь цётамонь концепциянь невтема. Ледстясынек, «иВолга» ПФО-нь од ломанень форумось ютавтови 2026-це иень медьковонь 24-29-це читнестэ Самарань ёнкссо Мастрюковской эрькетнень вакссо. Форумонь прявт темась – «Код России: единство в многообразии», конась лади Россиянь раськетнень вейкетьксчинь иентень. Пелькстыцятнень коень коряс учи Мастрюковонь кужосо палаткань ош. Башка мель явови лавшо шумбрачи марто ломантненень эрявикс средантень: форумсонть карми важодеме Инклюзивень ошкесь, косо кармить пандуст, эрямонь башка таркат ды оймсемань туртов площадкат. 2025-це иестэ истямо лувось лездась примамс масторонь 18 регионтнэстэ лавшо шумбрачи марто 30 участниктнень. Яволявтоматнень мереви максомс тематической 8 ёнкстнэстэ вейкенть коряс: «Арткод», «Код призвания», «Код служения», «Код знаний», «Код туризма», «Семейный код», «МедиаКод» ды «Код Первых».