Забайкальеда педофил ўзбекларни қандай ўлдиришганди?..
2017 йил октябрида Забайкальенинг Нерчинск туманида икки нафар ўзбек миллатига мансуб эркак муҳожирни гўдакларнинг номусига тегишда айблашди. Аммо икки эркак бундай жиноят содир этмаганини айтиб туриб олди. Полиция аралашди. Полиция ҳам бу жиноятни исбот эта олмади. Лекин маҳаллий зўравонлар барибир қайтмади. Муҳожирларни ўз қонунлари асосида ўлдиришга қарор қилди ва маҳаллий «авторитет»ларни ёрдамга чақирди. Улар гўёки зўрланган икки болани ота-онаси билан ўрмон ичкарисига олиб боришди. Ўзбекистонлик муҳожирлар эса автомобил юкхонасида ўша ерга олиб келинди. Икковлари ҳам болаларнинг ота-оналари қаршисида тиз чўкиб, узр сўрашди, тавба қилишди. Хуллас, шу айбни иккови ҳам бўйнига олди. Бироқ ота-оналар ишни шундай қолдиришмади. Олдинига қўлларига белкурак бериб, ўзлари учун гўр қаздирди. Кейин икки муҳожирни тепкилай кетди. Узоқ вақт калтаклашди, тепкилашди. Кейин ҳаммалари жўнаб кетишди. Ўзбек муҳожирлар шунинг билан балодан қутулдик деб хаёл қилишганди. Бундай бўлиб чиқмади. «Авторитет»лар ўтирган машина жойидан қўзғалгач, икковларини ҳам ўққа тутишди. Муҳожир педофиллар ана шундай ўлим топди.
Албатта, қотиллар қўлга олинган. Уларга нисбатан жиноий иш қўзғатилган.