Азвесь ошмесъеслэн шаерзы (Эфир от 09.08.2019)
Тунсыко пумиськон ортчиз йӧскалык библиотекалэн шаертодонъя но финн-угор литературая ёзэтаз. Отчы ӧтемын вал Можга ёросысь Кватчи гуртысь «Катар» студилэн кивалтӥсез Валентина Березкина. Отын со люка но уте пӧртэм аръёсы вурем, нуллэм, кылдытэм удмурт дэремъёсты. Гуртысь егит нылъёсын ӵош соос котькудӥзлэсь историзэ тодыны тыршо, вылазы дӥсяса, туж быгатыса, йӧно возьмато туала удмурт нылкышноез. Егит нылъёслы синмаськизы ини Чувашиын ортчем «Родники Поволжья» вожвылъяськонын но — нырысетӥ инты сётӥзы. Сыӵе катар нылкышноен тодматскыны дэмласькомы тӥледлы но «Азвесь ошмесъёслэн шаерзы» сузьетысь радиоверанамы#РадиоРоссииУдмуртия