ЕККУ Кадамжай милициясына көчмө кабылдама унаасын тапшырды
0
29
Европадагы коопсуздук жана кызматташтык уюмунун (ЕККУ) пилоттук долбоорунун алкагында Кадамжай райондук ички иштер бөлүмүнө көчмө кабылдама унаасы тапшырылды.
Облустук Ички иштер башкармалыгынын маалымат кызматы билдиргендей, көчмө кабылдаманын милдети - милиция менен элдин, айрыкча алыскы айылдардын байланышын жакшыртуу, тургундардын арыз-сунуштарын кабыл алуу.
Айыл жерине барып, калктын кайрылууларын кабыл алууга атайын шаймандар менен жабдылган унаа буга чейин Лейлек жана Баткен райондору менен Кызыл-Кыя шаарына да берилген.
Жыл башынан бери 83 жолу алыскы айыл-кыштактарга чыгып, жалпысынан 301 тургунду кабыл алышкан. (JsA)