Сĕтеле пуянлатать
Çĕнĕ çул çывхарсах килет. Уяв сĕтелне пуянлатма Камчатка пулли пулăшать. Белуга, кижуч, тунец, палтус, нерка, чавыча. Шупашкарти регионсен хушшинчи суту-илӳпе курав центрĕнче çынсем тавара черет тăрсах туянаççĕ.
Юрий Сталев: «Питĕ лайăх пулă, тутлă, полезно, çимелле, лайăх обслуживать тăваççĕ. Культурно, улталамаççĕ. Вообщем пурне те илме сĕнетĕп илсе çиме. Пĕрре çиме пуçласассăн урах чарăнма май çук ниçтан.» Юрий Сталев Камчатка пуллине пĕрремĕш хут туянмасть. Чылай мар пулин те кашнинчех илет. Тĕрлĕ микроэлементпа пуян пулăсем организма усăллă пулнине калать Юрий Васильевич. Çакна шур халатлисем те палартаççĕ. Вĕсем чĕре тытăмне сыватаççĕ, иммунитета, шăм-шака çиреплетеççĕ, пуçа хăвăртрах ĕçлеттереççĕ.
Людмила Чердакова: «Ятарласа Куславкка хулинчен çак пулла илме килтĕм. усăллă, тĕрлĕрен минералсем нумай. Эпĕ ĕнтĕ 8-мĕш хут килетĕп çак пулăна илме. Мана çак пулă питĕ килĕшеть, питĕ тутлă. Пурне те çак пулла килсе илме сĕнетĕп.»Камчаткăри пулла Чăваш Енре пурăнакансем юратаççĕ. Паха енĕсене упраса хăварас тĕллевпе ăна кăштах шăнтаççĕ. Çур утравран ăна Чăваш Ене тӳрремĕн турттараççĕ.
– Очень вкусная икра, крупная. зернистая, обратите внимание прям зернышко к зернышку — это гордость Камчатского края. Детишкам, беременным. Она богата витаминами и микроэлементами
Надежда Крылова: «Икра илме килтĕм те икрине илтĕм халĕ. Питĕ лайăх аван, обслуживать тăваççĕ питĕ лайăх. Илемлĕ калаçаççĕ. япалисем те нумай.»
Чăнах та, кунти сентресем çинче пурĕ 37 тĕрлĕ пулă вырнаçтарнă. Тĕтĕмленĕ чухне пулла çирĕк, чие, улмуççи турачĕсене çунтарса хатĕрлеççĕ. Вĕсен тĕтĕмĕ пылак шутланать. Тăварланă çимĕç те кашнинех илĕртет. Чавычăна туянакансем питĕ йышлă.
Нина Блинова: «Чавыча илтĕм, слабосоленый, малосоленый, очень вкусный, жирный. Я ее раньше покупала.»
Витаминлă апат организма тăтăшах кирлĕ. Вăл Камчатка пуллинче чылай. Пĕрре туяннисем кунта тепре те килеççĕ. Камчатка пуллине Шупашкарти регионсен хушшинчи суту-илӳпе курав центрĕнче вырсарникунчен, раштав уйăхĕн 11-мĕшĕччен туянма пулать.
Республика кăларăм валли Алексей Зотиков, Игорь Зверев