Мөнир Рахмаевның хатынының бер айга күпме акча тотканын әйтте
Җырчы Мөнир Рахмаевның хатыны, блогер Илсөяр Рахмаеваның социаль челтәрдәге сәхифәсе, гаилә Төркиядә ял итеп кайтканнан соң, бик активлашып китте. «Подписчик»лар саны шактый булса да, моңа кадәр бернинди активлык сизелмәгән сәхифә күзгә күренеп җанланды. Бу көннәрдә халык, бик кызыксынып, башка пабликлар күчереп куйган ярымшәрә фотолары аша Илсөярнең өреп кабартылган кебек күкрәкләрен, фигурасын, ясалмаган бер генә җире дә калмаган йөз-кыяфәтен күзәтте.
«Кайнар» фотолар аның язылучыларын да азрак «селкеткән». Элегрәк Илсөярнең фотолары астында бер генә комментарий булмауга да, «сорау җавап» рубрикасына бер тапкыр да сорау калдырмаганнарына да игътибар иткәнебез булды. Бу юлы блогерга берничә сорау килеп төшкән.
Бер язылучысы аннан: «Үзегезгә айга күпме акча сарыф итәсез?» – дип сораган.
Илсөяр үзе җавап бирмәкче булып, видео кабызган булган, ләкин… кадрга Мөнир килеп «кысылган».
«Алдан ук әйтеп куям – күп, бик күп! Ул акчаны күбрәк тоткан саен, минем чәчем пеләшләнә бара», – дип тә шаярткан ире.
«Әйе, ир эшли, ә хатын – матур», – дип кушылган хәләл җефетенең сүзләренә Илсөяр.
«Үзегезнең хатын-кызларыгыз өчен акча сарыф итегез», – дигән Мөнир.
Пар: «Ничек таныштыгыз?» – дигән сорауга җавап биреп тормаган. «Әйтмибез, сер булып калсын. Әллә ни кызыгы юк, барыгызга да бәхет телибез», – дигәннәр алар.
- Мөнир Рахмаев матурлану өчен аена 35-40 мең сум тота: «Педикюр, маникюр ясатам»
- Илсөяр Рахмаева: Үзем турында акчаны күпләп туздыручы, иркә хатын-кыз дип әйтмәс идем.