Биттәге шешенүне ничек бетерергә?
0
67
Бу турыда РИА Новости хәбәр итте. «Күпләр шешенүдән зарлана. Алар булмасын өчен кайбер ризыклардан баш тартырга кирәк. Мәсәлән, сөт ризыкларыннан. Куертылган сөт, сөт өсте, сыр — алар барысы да биттә шешенү барлыкка китерә. Кәҗә сөтен яки лактозасыз сөт ризыкларын кулланыгыз», — ди белгеч. Шикәр канда инсулин микъдарын арттыра һәм суны тоткарлый, ди эксперт. «Шулай ук глютен да суны тоткарлый. Шуңа күрә бодай ипие, камыр ризыклары да шешенү барлыкка китерергә мөмкин. Глютен артык булу бөтен кешегә дә зыянлы. Аны ашаудан бер-ике айга булса да баш тартып карагыз, яхшы үзгәрешләрен сизәрсез», — ди диетолог. «Иң төп хата — су эчүне туктату. Суны эчәргә кирәк. Еш кына организм сусызланганда шешенү барлыкка килә. Алдан әйтелгән ризыкларны рационнан алыгыз, сәламәт яшәү рәвешенә күчегез, җитәрлек күләмдә су эчегез, вакытында йокларга ятыгыз. Бер-ике атнадан ук шешенүләр бетәр, энергия барлыкка килер», — ди ул.